+994 51 423 24 23
[email protected]
Forest School açıq havada öyrənməni tətbiq edən beynəlxalq və alternativ təhsil modelidir.
Bu təhsil yanaşması ilk dəfə ideya olaraq Skandinaviya ölkələrində başlamış və hazırda Avropa, Asiya, Amerika və Avstraliya qitələrinin inkişaf etmiş ölkələrində sürətlə inkişaf etməkdədir.
Aparılmış tədqiqatlar sübut edir ki, uşaqlar açıq havada daha həvəslə öyrənir və bu onların akademik nəticələrinə müsbət təsir göstərir:
Hörmətli namizəd, “Forest School” təhsil yanaşması ilə bağlı ayrıca təlim keçəcəyin üçün burada sadəcə “Forest School Azerbaijan” (FSA) haqqında qısa məlumat verəcəyik.
“Forest School Azerbaijan” 2017-ci ildən bəri fəaliyyət göstərir. İlk dəfə “Divarsız məktəb” təhsil proqramı kimi fəaliyyətə başlamışdır.
2020-ci ildən etibarən isə “Forest School Azerbaijan” adını almışdır. “FSA” təhsil yanaşmasına uyğun olaraq fəaliyyətlərimiz açıq havada baş tutur. Bütün fəaliyyətlərimiz uşaqların inkişafını dəstəkləyən 6 istiqamətdə – sosial, emosional, fiziki, psixoloji, intellektual və sonda xarakter inkişafını dəstəkləyəcək proqramlar şəkildə qurulur.
Fəaliyyətimiz ərzində ölkəmizin 11-dən çox bölgəsində olmuş, ümumilikdə 4000-ə yaxın (uşaq, gənc, böyük) iştirakçıya çatmışıq.
Dünyanın nüfuzlu təşkilatları olan United Nations Population Fund (UNFP), National Geographic, AİESEC və bir çox dövlət qurumu ilə birlikdə layihələr həyata keçirmiş, həmçinin xarici “Forest School”larla (Türkiyə, Sinqapur, Malayziya) əlaqələr qurmuşuq.
Təlim müddətində isə fəaliyyətimizlə daha yaxından tanış olmaq, yerli və beynəlxalq layihələrdə iştirak etmə imkanı əldə edəcəksən.
“Forest School Azerbaijan” müvafiq istiqamətdə pedaqoqların yetişdirilməsi üçün hər il 3 səviyyədə fundamental təlimlər təşkil edir. Azərbaycan Gənc Müəllimlər Assosiasiyası ilə birgə əməkdaşlıq çərçivəsində keçiriləcək təlimlər yalnız kiçik yaşlı uşaqlarla işləyəcək pedaqoqlar üçün nəzərdə tutulmuşdur. Təlimlərdə iştirak tam ödənişsizdir və iştirakçıların xüsusi seçimi əsasında baş tutacaqdır.
