Sevinc Böyük Britaniya dövləti tərəfindən maliyyələşən 2020/2021 Chevening və Tinson Təqaüd Proqramlarının qalibidir. Tənqidi düşüncəsi, hüquqi araşdırma, idarəetmə və mükəmməl ünsiyyət bacarıqlarına malik hüquqşünasdır.

Hazırda o, Azərbaycan Sahibkarlar (İşəgötürənlər) Təşkilatları Milli Konfederasiyasında Baş hüquqşünas olaraq çalışır. Bundan öncə Böyük Britaniyanın Azərbaycandakı səfirliyi, Yelo Bank ASC, beynəlxalq və regional qht-lər ilə çalışmışdır. Birləşmiş Millətlər Təşkilatının Universal Dövri İcmalında qadın hüquqları və gender bərabərliyi ilə əlaqədar 2018-ci ildə ictimai vəkillik etmişdir. O, həmçinin gənclərin inkişafı və insan hüquqları sahəsində təlimçi olaraq fəaliyyət göstərir.

Sevinc “Forest School Azerbaijan”-ın hüquqşünası olaraq, hüquqi sənədlərin və müqavilələrin ekspertizası, hüquqi proseslərin idarə olunmasında fəaliyyət göstərir.