azruen +994 51 423 24 23 [email protected]

Lənkəranda “Atalar və övladları üçün düşərgə” keçirilir

Avropa İttifaqının maliyyə dəstəyi, BMT-nin Əhali Fondunun təşkilatçılığı və “Forest School Azerbaijan”nın dəstəyi ilə Lənkəranda “Atalar və övladları üçün düşərgə” start götürüb.

Üç gün davam edəcək və 50-dək gənc ata və övladının qatıldığı düşərgənin keçirilməsində əsas məqsəd atalar və övladları arasında sağlam ünsiyyətin qurulmasına dəstək olmaq və onların birgə faydalı, əyləncəli vaxt keçirməsinə şərait yaratmaqdan ibarətdir.

Düşərgə müddətində atalar üçün ailədaxili ünsiyyətin düzgün qurulmasına və istiqamətləndirilməsinə yönəlmiş təlimlərin, gender bərabərliyi, ailə daxilində öhdəliklərin bərabər bölüşdürülməsi və məsuliyyətli atalıq mövzularında sessiyaların, həmçinin övladları ilə ataların birgə fəaliyyətini nəzərdə tutan intellektual və əyləncəli oyunların keçirilməsi nəzərdə tutulur.

Düşərgə Avropa İttifaqının maliyyə dəstəyi ilə BMT-nin Əhali Fondu və BMT-nin Qadınlar Agentliyi tərəfindən həyata keçirilən “Avropa İttifaqı Gender Bərabərliyi naminə: Birlikdə gender stereotiplərinə və gender əsaslı zorakılığa qarşı” proqramı və BMT-nin Əhali Fondunun icra etdiyi “Cənubi Qafqazda gender əsaslı cins seçimi və aidiyyəti zərərli təcrübələrin aradan qaldırılması” proqramı çərçivəsində təşkil edilib.

Eksperimental qrupların qeydiyyatı başlayır!
11.02.2024
Lazada Qış Düşərgəsi keçirildi
30.01.2024
Forest School Azerbaijan – 2023-cü il rəqəmlərdə
26.12.2023

Arxivlər

× Chat